Новости
Со задоволство ја споделуваме нашата поддршка на Фондацијата Преда Плус во спроведувањето на активности во Пелагонискиот регион, насочени кон јакнење на руралните заедници и поттикнување на иновации на локално ниво.
Како техничка поддршка, ЕПИ ЦЕНТАР Интернационал активно придонесува за реализација на проектните активности на Преда Плус, со фокус на одржлив развој, инклузивни решенија и иновации во руралните средини.
Овие активности се реализираат во рамки на проектот ADRURAL – Зајакнување на руралните заедници за иновации во регионот ADRION, финансиран од Европската Унија преку програмата Interreg IPA ADRION.
Проектот се спроведува од Фондацијата Преда Плус во партнерство со организации од уште 7 земји низ Јадранско-јонскиот регион.
Јакнење на Влијанието – ЕПИ ЦЕНТАР се приклучува на CEC
Со задоволство објавуваме дека ЕПИ ЦЕНТАР станува член на Comité Européen de Coordination (CEC) – Acting for Social Inclusion, почнувајќи од 1 јануари 2025 година.
CEC е динамична европска мрежа која обединува преку 1.600 локални асоцијации посветени на унапредување на социјалната и професионалната интеграција. Како дел од оваа мрежа, EPI CENTAR ќе продолжи да придонесува кон одржлив развој, социјална инклузија и локален економски раст во Северна Македонија и Западен Балкан, со посебен фокус на руралните заедници.
Со нетрпение очекуваме соработка со организации со слична визија низ Европа за спроведување на значајни иницијативи и поттикнување позитивни промени.
Ви посакуваме Среќна Нова 2025 Година!
На прагот на 2025 година, сакаме да одвоиме момент за да ја изразиме нашата искрена благодарност за Вашата непроценлива поддршка и соработка во текот на изминатата година.
2024 година беше успешна година за нас, одбележана со раст и диверзификација на нашите услуги, како и формирање на нови значајни партнерства. За овие успеси придонесе и Вашата доверба и соработка. За таа цел, возбудени сме што ќе продолжиме заедно да ја обликуваме иднината, и преку нашата експертиза и заеднички напори, ќе допринесе за национален и регионален раст и развој.
Ви посакуваме Среќна Нова 2025 Година!
Стратегиски Акционен План за Одржлив Развој на Паркот Преспа (SAP 2025–2030)
Епи Центар Интернационал го предводи развојот на ажурираниот Стратегиски Акционен План (SAP) за областа на Паркот Преспа, прекуграничен регион што го делат Северна Македонија, Албанија и Грција. Овој проект е дел од иницијативата „ЕУ за Преспа“, насочена кон обновување на природните ресурси, унапредување на одржливото земјоделство и промоција на еко-туризмот во регионот.
Прочитај Повеќе
Маркет студија за зелено финансирање во агро бизнис секторот
Епи Центар Интернационал во соработка со консултантски компании од Холандија и Германија учествуваше во подготовка на Маркет студија за зелено финансирање во земјоделството, во Република Северна Македонија.
Студијата претставува основа за потенцијалите на македонското земјоделство кои може да бидат реализирани преку т.н. зелено финансирање, во соработка со банкарскиот сектор.
Прочитај Повеќе
Одбележуваме 19 години раст, одржливост и иновации!
Денес, ЕПИ ЦЕНТАР Интернационал со гордост прославува 19 години посветеност кон одржливиот развој, зелена економија. Досега постигнавме многу благодарение на посветеноста на нашиот неверојатен тим, довербата на нашите клиенти и поддршката на нашите партнери.
Додека се навраќаме наназад, благодарни сме за секој чекор што не донесе до тука, и Ви благодариме што сте дел од нашето патување. Да продолжиме да растеме и иновираме заедно
Интервју: Дали агри-волтаиците се спас за плодната земја и одржливата енергија?
Може ли во трката за обновлива енергија да останеме без плодно земјиште? Дали концептот на агро-волтаици на кои се произведува храна и струја е решение за одржливо земјоделство, но и заштита на животната средина, прочитајте во анализата на ТРТ Балкан
Прочитај Повеќе
Заштита на географска ознака „Македонско традиционално бело сирење од Овчеполска праменка“
Епи Центар Интернационал спроведе Истражување на пазарот и изработи Елаборат за заштита на географска ознака на „Македонско традиционално бело сирење од Овчеполска праменка“.
Истражувањето на пазарот беше сеопфатен дел од детална анализа за производството, пакување и продавање на овој вид на сирење во РМС, а со цел да се утврдат перцепциите и задоволството на потрошувачите, како и да се идентификуваат потенцијалите за проширување на пазарот за овој уникатен производ. Дополнително, еволуирани беа и анкетни прашалници од посетите на саеми кои го дегустирале сирењето.
Прочитај Повеќе
Истражување за економските потенцијали на малите и средни претпријатија
Епи Центар Интернационал спроведе Истражување за економските потенцијали на малите и средни претпријатија во рамки на Проектот „Модернизација на приватниот сектор за одржливост и пристојни работни места во Северна Македонија“ во периодот февруари/март 2024 година. Проектот е имплементиран од Swisscontact и финансиран од Швајцарската агенција за развој и соработка (SDC)...
Прочитај Повеќе
Спроведена Евалуација на IISEE Проект, We Effect
Епи Центар Интернационал спроведе Евалуација на Проектот “Income Increase and Socio-Economic Empowerment of Vulnerable and Marginalized Groups from Rural and Sub-urban Areas (IISEE)”, кој во периодот од 2021 до 2023 година е имплементиран од организацијата We Effect. Проектот е финансиран од SIDA, а во Северна Македонија спроведен од страна на We Effect Скопје како подружница на интернационалната организација We Effect, со седиште во Стокхолм.
Прочитај Повеќе
Епи центар дел од B-READY Проектот на Светска Банка
Епи Центар Интернационал учествуваше во проектот на Светска банка Business Ready (B-READY), во Пилот I на проектот, кој е нов и амбициозен потфат да се развие силен приватен сектор за да се стави крај на сиромаштијата на меѓународно ниво.
Епи Центар Интернационал учествуваше во проценка и мерење на условите за водење на бизнис во повеќе економски области преку обезбедување податоци во специјализирани прашалници за меѓународна трговија во однос на јавните услуги; прописи за трговија со стоки и услуги; комунални услуги и вода.
Прочитај Повеќе
Спроведена Евалуација на ИМЕ Програмата
Епи Центар Интернационал во соработка со Gamper Smith Associates, учествуваше во спроведување на Евалуација на втората фаза од Проектот "Increasing Market Employability – IME” кој се имплементираше во периодот од 2019 до 2023 година. Проектот е финансиран од Швајцарската Агенција за развој и соработка, а во Северна Македонија спроведен од страна на Паладиум.
Прочитај Повеќе...
Ново признание за квалитетот на македонските земјоделски производи
Министерството за земјоделство, шумарство и водостопанство донесе Решение за регистрација на заштитена географска ознака – МАКЕДОНСКО ЈАГНЕШКО ОД ОВЧЕПОЛСКА ПРАМЕНКА.
Врз основа на Законот за квалитетот на земјоделските производи, по спроведена постапка, од страна на стручна комисија, во соработка со Агенцијата за храна и ветеринарство, Министерството за земјоделство, шумарство и водостопанство утврди дека се исполнети сите услови за регистрација на заштитена географска ознака – МАКЕДОНСКО ЈАГНЕШКО ОД ОВЧЕПОЛСКА ПРАМЕНКА.
Прочитај Повеќе
